Lıtsenzııasynan aıyrylǵan JOO-lardyń taǵdyry ne bolmaq - Aımaǵambetov jaýap berdi
«Ózderińizde biletindeı, biz 5 joǵary oqý ornynyń lıtsenzııasyn toqtattyq. Búgin lıtsenzııadan aıyrý úshin bir JOO boıynsha qujattardy sotqa jibergendimiz týraly aqparat bere alamyz. Lıtsenzııadan tolyqtaı aıyrý úshin taǵy da birneshe JOO boıynsha qujattar daıyndaldy. Toqtatý - bul ýaqytsha shara. Zańǵa sáıkes eger biz tekserip, buzýshylyqtar tapsaq, onda toqtatýǵa tıispiz. Biraq, toqtatqannan keıin biz taǵy bir ret tekserip, sol buzýshylyqtardyń joıylmaǵandyǵyn anyqtaıtyn bolsaq, onda mınıstrlik basqa sheshim qabyldaýǵa kóshedi. Biz sol ýnıversıtetti múldem jabý úshin sotqa júginemiz», - dedi mınıstr Úkimet úıinde ótken baspasóz máslıhatynda.
Onyń atap ótýinshe, birneshe joǵary oqý ornyn bul problemany derbes sheshýge tyrysyp jatyr.
«Bir ýnıversıtetti jabý týraly sotqa júgingennen keıin birneshe ýnıversıtet bizge habarlasyp, birigýge nıetteri bar ekendikterin habarlady. Biz de bul máseleni qarastyrǵan edik. JOO-lar óz erikterimen jáne derbes birigýleri qajet. Munyń mýltıplıkatıvti áser bar. Sebebi bireýlerinde kadr jetispese, endi biriniń sport zaly, taǵy birinde jataqhana jáne basqa da jaǵdaılary bolmaýy múmkin. Al birikkennen keıin naqty bir áserge qol jetkiziledi», - dedi Ashat Aımaǵambetov.
Sonymen qatar ol keıbir ýnıversıtetter kolledjge, ınstıtýtqa, akademııaǵa aınalýy tıistigin atap ótti.
«Jalpy, lıtsenzııa beretin ókiletti organ retinde Bilim jáne ǵylym mınıstrligine sotqa júginbesten sol lıtsenzııany qaıtarý alý týraly sheshim qabyldaýǵa múmkindik beretin norma qabyldanady dep úmittenemiz», - dedi ol.
Eske salsaq, buǵan deıin 5 ýnıversıtettiń lıtsenzııasy bir aıǵa toqtatylǵany týraly jazǵan edik.
