Lıtsenzııasynan aıyrylǵan Delta Bank: BJZQ-nyń aqshasyn qaıtara almaı otyr
ALMATY. QazAqparat - Biryńǵaı jınaqtaýshy zeınetaqy qory Delta Banktan sot arqyly 2,7 mlrd teńge óndirip aldy, QazAqparat tilshisi.
Azamattyq is Almaty qalasynyń mamandandyrylǵan aýdanaralyq ekonomıkalyq sotynda qaraldy.
Іs materıaldaryna qaraǵanda, «BJZQ» AQ salymshylary men bank arasynda kelisimshart jasalyp, 2 jylǵa 1 mlrd teńge, sonymen qatar 1 jylǵa 1,5 mlrd teńge salym salynǵan. Alaıda Delta Bank kelisimshartta kórsetilgen talaptardy oryndamaǵandyqtan zeınetaqy qory bankti sotqa berdi.
«Bank salymy týraly kelisimsharttyń 2.6 jəne 3.3-tarmaqtaryna səıkes salymshy tarapynan kelisimshart buzylǵan jaǵdaıda bank úsh jumys kúni ishinde depozıt qarjy somasy men syıaqy mólsherlemesin qaıtarýy tıis», - dedi qalalyq sottyń baspasóz qyzmetinen.
Óz kezeginde bank ókilderi BJZQ-nyń qarjysyn qaıtarýǵa lıtsenzııasy toqtatylýyna baılanysty múmkindik joqtyǵyn habarlaǵan.
Alaıda bank qaryzdy óteýden bas tartyp otyrǵan joq.
Sot BJZQ aryzyn tolyǵymen qanaǵattandyryp, Delta Bank № 22/1222 bank salymy týraly kelisimsharty boıynsha - 1 113 388 888 teńge, al №22/1576 kelisimi boıynsha 1 626 000 000 teńge óndirý týraly sheshim shyǵardy.
Aıta ketý kerek, 2017 jyldyń 4 tamyzda QR Ulttyq bank «Delta Bank» AQ depozıtterdi qabyldaý jəne bank shottaryn ashý lıtsenzııasyn toqtatty.
