Lıtsenzııasynan aıyrylǵan bankter depozıt aqshasyn qalaı qaıtarady
«Bank lıtsenzııasynan aıyrylǵan jaǵdaıda salymshylardyń sol banktegi depozıtterde, shottarda jáne tólem kartochkalarynda jatqan aqshalary myna zańnamada belgilengen shekti mólsherde klıentterge qaıtarylady:
- teńgedegi jınaq depozıtter boıynsha – 20 mln teńge;
- teńgedegi ózge depozıtter, shottar jáne kartochkalar boıynsha – 10 mln teńge;
- shetel valıýtasyndaǵy depozıtter, shottar jáne kartochkalar boıynsha – 5 mln teńge», - deıdi qor basshysy.
Aıtýynsha, Qazaqstannyń depozıtterge kepildik berý qory jeke tulǵalardyń depozıtteri tólenetin ótem lımıtin únemi qaıta qarap otyrady.
«Olardyń mólsherin arttyrý baǵytynda der kezinde shara qoldanyp otyrý mańyzdy. Mysaly, depozıttergke kepildik berý júıesi qurylǵaly beri kúni búginge deıin maksımaldy kepildik somasy 100 ese artty. Qor depozıt naryǵynyń turaqtylyǵyn qamtamasyz etý úshin jeke tulǵalardyń depozıtterine shekti (maksımaldy) syıaqy mólsherlemelerin belgileý saıasatyn júrgizedi. Sondaı-aq, ekinshi deńgeıli bankterdegi depozıtterdiń óktem áreketterine shekteý qoıý úshin aı saıyn maksımaldy syıaqy mólsherlemelerin belgileıdi. Ulttyq Banktiń monetarlyq saıasatynyń talaptary ózgergen jaǵdaıda da osyndaı shara qabyldanady», - dedi Ádil Ótembaev.
