Lıtsenzııalardyń 92 túrin alý úshin 425 túrli qujatty tapsyrý qajettigi joǵalady - A.Jumaǵalıev
Bul týraly búgin Úkimet otyrysynda Memleket basshysynyń tapsyrmalaryn oryndaý jóninde Úkimet aldynda esep bergen Kólik jáne kommýnıkatsııalar mınıstri Asqar Jumaǵalıev aıtty.
«Qyzmet kórsetý úderisterin ońtaılandyrýdyń nátıjesinde jyl saıyn 42,2 mln. qujat burynǵydaı qaǵaz túrinde tapsyrylmaıtyn bolady, bul shara halyqtyń osy qyzmetterdi alý múmkindikterin jeńildetetin bolady», - dep atap ótti ol.
A.Jumaǵalıevtiń sózine qaraǵanda, aǵymdaǵy jyldyń tamyzynan bastap lıtsenzııalardyń barlyq túrleri elektrondy formatta ázirlenýde. Lıtsenzııalardy berýdiń bıznes úderisin ońtaılandyrý jumystary da aıaqtalýǵa jaqyn. Al jyldyń sońyna qaraı lıtsenzııalardyń 92 túrin alý úshin burynǵydaı 425 túrli qujatty tapsyrýdyń qajeti bolmaıdy. ıAǵnı, jyl saıyn tapsyrylatyn 10 mln.-ǵa jýyq qaǵaz formattaǵy qujattar qysqartylady. Osyǵan uqsas jumystar 80 ruqsat qujatyn avtomattandyrý jáne ońtaılandyrý boıynsha da júrgizildi. Qazirgi ýaqytta iske qosylǵan qyzmet testileýden ótýde. Bul ruqsat qujattaryn alý úshin endigi jerde 255 túrli qujattyń (49%) túpnusqasy men kóshirmesin tapsyrýdyń qajeti joq.
