Lıtsenzııalanbaǵan Microsoft baǵdarlamasyn zańsyz satyp kelgen kásipker sottaldy
ALMATY. QazAqparat - Almatyda lıtsenzııalanbaǵan Microsoft baǵdarlamasyn zańsyz saqtap, satýmen aınalysqan kásipker sottaldy, dep habarlaıdy QazAqparat tilshisi.
Іs materıaldaryna sáıkes, er adam «MOON» saýda dúkeninen Microsoft kontrafaktilik baǵdarlamalyq jabdyqtamasyn satyp alyp, ary qaraı qymbat baǵaǵa satýmen aınalysqan. Er adam osylaısha bul ónimderdiń zańdy quqyq ıesi bolyp tabylatyn Microsoft korporatsııasyna aıtarlyqtaı zalal keltirdi.
Almaly aýdandyq soty kásipkerdi QR QK 198-babynyń 2-tarmaǵynda kórsetilgen qylmys jasaǵany úshin aıypty dep tanydy.
Alaıda, sot úkimine narazylyq bildirgen sottalýshy apellıatsııalyq shaǵym bildirgen. Apellıatsııalyq sot úkimdi ózgerissiz qaldyrdy.
Aıypty er adamǵa 100 AEK kóleminde aıyppul salyndy. Mundaı zalaldy baǵdarlamalyq jabdyqtamany uıymdar zańsyz jolmen tabys tabý, derekterdi urlaý, elektrondyq bopsalaý nemese basqa da qylmystyq áreketterdi oryndaý maqsatynda jasap shyǵaratynyn atap ótken jón.
