Lıtsenzııa-ruqsat berý júıesin reformalaý barlyq ruqsat berý qaǵazdaryn elektrondy formatqa kóshirýmen qatar júrýi tıis - Q.Kelimbetov
ANA. 10 mamyr. QazAqparat /Marlan Jıembaı/ - Lıtsenzııa-ruqsat berý júıesin reformalaý barlyq ruqsat berý qaǵazdaryn elektrondy formatqa kóshirýmen qatar júrýi tıis. Bul týraly búgin Úkimet otyrysynda QR Ekonomıkalyq damý jáne saýda mınıstri Qaırat Kelimbetov aıtty.
Mınıstrdiń atap ótýinshe, biryńǵaı zańda lıtsenzııalar men ruqsat etý qaǵazdardyń túbegeıli tizbesi, olardy kásipkerlik qyzmettiń qaýiptilik dárejesine qaraı sanattarǵa bólý kózdelýde. Sonymen qatar olardy berý sharttary men tártibi saralanatyn bolady.Atap aıtqanda, qaýiptilik dárejesi tómen qyzmet túrleri habarlaý tártibimen júzege asyrylatyn bolady.
«Joǵaryda kórsetilgen jumystardy tıimdi júrgizý úshin ruqsat berý qaǵazdarynyń jańa túrleriniń enýine moratorıı engizý bastamasyn Elbasynyń aldyna shyǵarýdy oryndy dep sanaımyz. Lıtsenzııa-ruqsat berý júıesin reformalaý barlyq ruqsat berý qaǵazdaryn elektrondy formatqa kóshirýmen qatar júrýi tıis», - dedi ol.
Q.Kelimbetovtiń aıtýyna qaraǵanda, osy maqsatta Baılanys jáne aqparat mınıstrligine enetin «E - lıtsenzııalaýdy» «E-ruqsat berýge» deıin jańa usynystardy eskere otyryp, qyzmetin keńeıtý máselesin qarastyrý qajet. Jańa Zańdy 2012 jyly ázirleý kózdelip otyr.
