Lıberııanyń burynǵy prezıdenti 50 jylǵa sottaldy
ASTANA. 31 mamyr. QazAqparat - Gaaganyń Serra-Leone jónindegi Arnaıy trıbýnaly Lıberııanyń burynǵy perızedenti Charlz Teılordy 1991-2002 jyldary adamzatqa qarsy jasaǵan qylmysy úshin 50 jylǵa bas bostandyǵynan aıyrý jazasyna kesti.
Bul týraly VVS Orys qyzmeti ne silteme jasap, BNews.kz habarlaıdy.
Sýdıanyń sózine qaraǵanda, qarý-jaraqpen qamtyǵany úshin alǵys retinde kóterilisshiler Teılorǵa «qanǵa malynǵan almazdar» jóneltip otyrǵan.
Revolıýtsııalyq birikken maıdan búlikshileri «aqıqat» úshin kúreste úlken jaýyzdyq tanytqan: olar beıbit turǵyndardy óltirip, jaraqattap, beıkúná áıelder men qyzdardy jábirlegen.
Teılor óz kinásin moıyndamaı otyr, al onyń jaqtaýshylary sottyń shyǵarǵan úkimin tym «qatań» dep baǵalady.
Prokýratýra buǵan deıin 80 jylǵa bas bostandyǵynan aıyrý jazasyn usynǵan bolatyn.
