Lıberııada avtotsısterna jarylyp, 40 adam mert boldy

Lıberııanyń ortalyq bóliginde avtotsısterna jarylyp, qaza tapqandar sany 40 adamǵa jetti, ondaǵan turǵyn jaraqat aldy. Bul týraly Liberian Observer gazeti Densaýlyq saqtaý mınıstriniń orynbasary jáne bas dáriger Frensıs Katehke silteme jasap habarlady.  

Buǵan deıin Agence France-Presse agenttigi polıtsııaǵa silteme jasaı otyryp, 15 adam qaza bolyp, 30-dan astam turǵyn jaralanǵanyn málimdegen bolatyn.

Basylymnyń jazýynsha, lıberııalyq Bong graftyǵyndaǵy Totota qalasynda 26 jeltoqsanda avtotsısterna joldan shyǵyp ketip, órtengen.

Kýágerlerdiń sózinshe, apattan keıin birneshe adam tógilip jatqan janarmaıdy jınaýǵa tyrysqan, saldarynan jarylys boldy.

Mert bolǵandar qatarynda bir áıel men alty jáne toǵyz jas aralyǵyndaǵy úsh bala bar, dep habarlady densaýlyq mınıstriniń orynbasary keshe ótken brıfıngte.

Ol qurbandar sany artýy múmkin ekenin atap ótti.