Lı Ketsıan QHR Memlekettik keńesiniń premeri bolyp saılandy
BEIJІŃ. 15 naýryz. QazAqparat - Kútilgendeı, Lı Ketsıan QHR Memlekettik keńesiniń jańa premeri boldy.
Mundaı sheshimdi Beıjińde ótip jatqan Halyq ókilderiniń búkilqytaılyq jınalysynyń (HÓBQJ, joǵary zańnamalyq organ) jyl saıynǵy sessııasy aıasynda qytaı parlamentiniń depýtattary qabyldady.
Búgin 12-shi shaqyrylymdaǵy HÓBQJ-niń birinshi sessııasynyń plenarlyq otyrysy barysynda daýys berý jolymen Lı Ketsıan QHR Memlekettik keńesiniń premeri bolyp saılandy.
Úkimettiń jańa basshysy 1955 jyly Anhoı provıntsııasynda dúnıege keldi. Qytaı kommýnıstik partııasynyń qataryna 1976 jyly ótti. 2008 jyldyń naýryzynda QHR Memkeńesiniń vıtse-premeri bolyp bekitildi.
Eske salaıyq, Beıjińde 12-shi shaqyrylymdaǵy HÓBQJ-niń birinshi sessııasy ótýde. Senbi, 16 naýryz kúni QHR Memkeńesiniń jańa quramy qurylatyn bolady.
