Lı Golovkınmen aıqasqysy keledi
ASTANA. QazAqparat - Orta salmaqtaǵy ırlandııalyq boksshy Endı Lı Gennadıı Golovkınmen jekpe-jek ótkizgisi keletinin habarlady, dep jazdy Sports.kz.
Eki jyl buryn Lı men Golovkın kelissóz júrgizgen, alaıda Gennadııdiń ákesiniń qaıtys bolýyna baılanysty jarys ótpeı qalǵan. Endi ırlandııalyq boksshy kelissózdi qaıta bastaýǵa nıetti.
«Sońǵy jekpe-jekten keıin biraz úzilis boldy, biraq boksqa qaıta oralǵym keledi. Tıtýl úshin aıqasqa qaıtyp oralýdan artyq ne bar? Dennı Djeıkobspen, Gennadıı Golovkınmen nemese basqa da úzdik boksshylarmen jekpe-jek ótkizý jaǵynan esh kúmánim joq. Úzdiktermen judyryqtasyp ózimdi kórsetkim keledi, basty kózdegenim de sol», - degen Lıdiń sózin keltirdi Independent.ie.
