«Lı» daýylynyń qaýpi munaı baǵasynyń ósýine ákep soqty
TANA. 8 qyrkúıek. QazAqparat -Meksıka buǵazyndaǵy «Lı» daýylynyń saldarynan óndiris kólemi tómendeýi jaǵdaıynda jáne B.Obamanyń ekonomıkany turaqtandyrý úshin
jańa jumys oryndary qurý josparymen sóıleıtin sózi qarsańynda 7 qyrkúıektegi sársenbi kúngi saýda qorytyndysymen álemdik naryqtaǵy munaı baǵasy eleýli ósti, dep habarlady RBK agenttigi.
Máselen, Nıý-Iork shuǵyl saýda bırjasynda WTI (Light Sweet) munaıynyń resmı baǵasy 3,32 dollarǵa ósip, barreli 89,34 dollardy qurady.
London taýar bırjasynda rent munaıynyń baǵasy 2,91 dollarǵa artyp, barreli 115,80 dollarǵa jetti.
Esterińizge sala keteıik, «Lı» daýylynyń qaýpinen Meksıka buǵazynda munaı óndirý 60,5 paıyzǵa jýyq toqtatyldy.
Budan basqa, munaı baǵasynyń ósýine búgin, beısenbi kúni AQSh prezıdenti Barak Obamanyń sóz sóıleýi kútilýi de áser etti. Memleket basshysy kongreske jumys oryndaryn qurýdy, sondaı-aq jumysshylar úshin tabys salyǵy men jumyssyzdyq jónindegi járdemaqyǵa sýbsıdııalardy bir jylǵa uzartýdy kózdeıtin kólemi 300 mlrd. dollardyń baǵdarlamasyn usynady.
