Lı Chje Meń Ońtústik Koreıa prezıdenti retinde resmı túrde qyzmetine kiristi

ASTANA. KAZINFORM — Lı Chje Meń sársenbi kúni Ońtústik Koreıa prezıdenti laýazymyna resmı túrde kiristi, dep habarlaıdy Yonhap.

Ol ekonomıkaǵa jan bitirýge jáne ulttyq múddege negizdelgen pragmatıkalyq syrtqy saıasat júrgizýge ýáde berdi.

Ol óziniń bes jyldyq merzimin aýysý kezeńinsiz bastady. Bul merzim burynǵy prezıdent ıÝn Sok Elge ımpıchment jarııalanyp, ol bılikten shettetilgennen keıin ótken kezekten tys saılaýdaǵy jeńisiniń nátıjesi boldy.

Lı Chje Meń eldi ıÝn Sok Eldiń áskerı tótenshe jaǵdaı engizýge tyrysýy, oǵan qatysty ımpıchment jáne keıingi bılikten alastatylýy saldarynan týyndaǵan saıası bólinýden keıin biriktirýge ýáde berdi.

— Saıası kúrestiń quralyna aınalǵan qaýipsizdik pen beıbitshilikti qalpyna keltiretin ýaqyt keldi; nemquraıdylyq, biliksizdik jáne jaýapsyzdyq kesirinen zardap shekken kúnkóris pen ekonomıkany qalpyna keltiretin kez keldi; tankter men avtomattarmen taptalǵan demokratııany qaıta jandandyratyn shaq týdy, — dedi ol.

Ekonomıka salasynda Lı ósimdi yntalandyrý jáne jasandy ıntellekt pen jartylaı ótkizgishter sııaqty ozyq tehnologııalardy damytý úshin «pragmatıkalyq ári naryqqa baǵyttalǵan» tásildi ustanatynyn aıtty.

Al syrtqy saıasatta Lı ulttyq múddege negizdelgen «pragmatıkalyq» dıplomatııanyń mańyzdylyǵyn atap ótti.

— Biz myzǵymas koreı-amerıkalyq odaq negizinde Ońtústik Koreıa, AQSh jáne Japonııa arasyndaǵy yntymaqtastyqty nyǵaıtamyz jáne kórshiles eldermen qarym-qatynasty pragmatızm men ulttyq múddelerge súıene otyryp qalyptastyramyz, — dedi ol.

Soltústik Koreıa tarapynan tónetin qaýipterge senimdi túrde qarsy turý qajettigin atap ótken Lı, sonymen qatar Phenıanmen dıalogty qaıta bastaýǵa daıyn ekenin bildirdi.

— Biz baılanys arnalaryn ashyp, Koreı túbeginde berik beıbitshilik ornatý úshin Soltústikpen dıalog pen yntymaqtastyqqa umtylamyz, — dedi ol.

Prezıdent ákimshiliginiń habarlaýynsha, resmı ınaýgýratsııa rásimi 17 shildede, Konstıtýtsııa kúni ótedi.

Aıta keteıik, Ońtústik Koreıada ótken prezıdenttik saılaýda «Tobýro» Demokratııalyq partııasynyń atynan qatysqan Lı Chje Men jeńiske jetti.