LGBT-ny nasıhattaýǵa erterek tyıym salý qajet edi – Irına Smırnova

ASTANA. KAZINFORM – Májilistiń jumys toby otyrysynda elimizde LGBT-ny nasıhattaýǵa tyıym salatyn túzetýler qabyldandy. Bul týraly Májilis depýtaty Irına Smırnova aıtty.

– Keshe atalǵan túzetýlerdi qarap, qabyldadyq. Ol erejeler nasıhatqa tyıym salýǵa qatysty. Onda mundaı jynystyq kózqarasy bar adamǵa tyıym salynbaǵan, ár adam óz ómirin qalaýynsha paıdalana alady. Árıne, pedofılderden basqa. Biraq, muny nasıhattaýdyń qajet joq. Kitap dúkeninen LGBT-ny nasıhattaıtyn basylymdardy kórdim. Onda eki hanzada bir-birine ǵashyq bolyp qalady. Mundaı óte kóp. Osyǵan uqsas keleńsizdikterdi nasıhattaıtyn mýltfılmder, jýrnaldar, komıkster bar, - dedi ol palatanyń jalpy otyrysynan keıin BAQ ókilderine bergen suhbatynda. 

Májilis depýtaty bir jynystyq qatynasty nasıhattaýǵa tyıym salý sharalary sál kesh qolǵa alynǵanyn jetkizdi. 

– Muny keshe depýtattar da aıtty. Sál keshigip qaldyq. Іs júzinde buǵan barlyq ýaqytta tyıym salý qajet edi, - dedi Irına Smırnova. 

Buǵan deıin Májilis depýtaty Edil Jańbyrshın LGBT-ny ashyq jáne janama jolmen nasıhattaǵan adamdardy qylmystyq jazaǵa tartýdy usynǵan edi.