Elimizde LGBT-ny ashyq ári jasyryn nasıhattaýǵa qarsylyq tanytqan petıtsııa qaralady

ASTANA. KAZINFORM – «E-Petition.kz» resmı portalynda «Biz QR-daǵy LGBT-ny ashyq jáne jasyryn nasıhattaýǵa qarsymyz» petıtsııasy resmı qaralýy úshin qajetti qol jınady. Endi ony QR Mádenıet jáne aqparat mınıstrligi qarastyrýǵa mindetti. Bul týraly vedomstvonyń baspasóz qyzmeti málim etti.  

«QR ÁRPK-niń 90-4-babyna sáıkes, 50 000 qol jınalǵannan keıin, QR Mádenıet jáne aqparat mınıstrligi ótinishti qaraýǵa qabyldady. QR ÁRPK-niń 90-5-babyna sáıkes, petıtsııany qaraý merzimi — ony tirkegen sátten bastap 40 jumys kúnine deıingi ýaqyt aralyǵyn qamtıdy», — delingen habarlamada. 

QR Mádenıet jáne aqparat mınıstrligi múddeli taraptardyń, memlekettik organdar men qoǵamdyq birlestikter ókilderinen quralǵan jumys tobynyń qyzmetin uıymdastyrady.

Ótinishti qaraý protsesi zańnama talaptaryna sáıkes júrgiziletin bolady.