LG kompanııasy telefon shyǵarýdy toqtatqanyn resmı jarııalady
SEÝL. QazAqparat – LG Electronics Inc. (LG) kompanııasy óziniń uıaly baılanys bólimshesiniń jabylatyny týraly jarııalady. Sheshim búgin dırektorlar keńesinde qabyldandy, dep habarlaıdy QazAqparat kompanııanyń resmı saıtyna silteme jasap.
LG kompanııasynyń qazirgi telefondary satylymǵa burynǵydaı shyǵaryla beredi. LG aımaqqa baılanysty ýaqyt aralyǵynda qoldanystaǵy mobıldi ónimderdiń klıentterine servıstik qoldaý jáne baǵdarlamalyq jasaqtama jańartýlaryn usynady. LG uıaly telefon bıznesin toqtatý kezinde jetkizýshilermen jáne seriktestermen yntymaqtasady. Jumyspen qamtýǵa qatysty málimetter jergilikti deńgeıde anyqtalady.
LG óziniń mobıldi tájirıbesin qoldanýdy jáne bıznestiń basqa salalarynda básekege qabilettilikti odan ári arttyrý úshin 6G sııaqty utqyrlyqqa baılanysty tehnologııalardy damytýdy jalǵastyra beredi. LG mobıldi bıznesiniń jıyrma jyl ishinde jasalǵan negizgi tehnologııalary da saqtalyp, qoldanystaǵy jáne aldaǵy ónimderge de qoldanylady.
Uıaly telefon bıznesin qysqartý 31 shildege deıin aıaqtalady dep kútilýde, degenmen keıbir qoldanystaǵy modelderdiń qural-jabdyqtary áli de qoljetimdi bolýy múmkin.
