LG Electronics kópshilik nazaryna adamnyń daýysymen basqarylatyn saǵatty usyndy
ASTANA. QazAqparat - LG Electronics kompanııasy LG G Watch dep atalatyn jańa smart-saǵatty kópshilik nazaryna usyndy. Saǵat Google kompanııasy shyǵarǵan Android Wear operatsııalyq júıesimen jabdyqtalǵan, dep habarlaıdy vesti.ru.
Jańa saǵattyń ereksheligi sol, ony daýyspen komanda berý arqyly basqarýǵa bolady. Saǵattyń ekrany kishkentaı, onyń ústine eger jaryq jetkiliksiz bolsa, onyń tili men sandaryn kórý ońaı emes. Sondyqtan ony ásirese júrip bara jatqan sátte komanda berý arqyly basqarý yńǵaıly bola túspek. Saǵattaǵy Android Wear operatsııalyq júıesi tutynýshylarǵa ǵalamtor betterindegi eń sońǵy jańalyqtarǵa qol jetkizýge múmkindik beredi. Taǵy bir ereksheligi - bul «ýaqyt ámirshisi» arqyly árbir jan óziniń densaýlyǵyn baqylaı alady. Sonymen qatar, onda jattyǵýlardy úılestirýge kómektesetin fıtnes-monıtor júıesi engizilgen. Ol, mysaly, júrý jyldamdyǵyńyz ben júrip ótken jolyńyzdyń qashyqtyǵyn ekranǵa shyǵaryp beredi.
