Leıver kýbogy: Aleksandr Býblık alǵash ret álem komandasynda óner kórsetedi
ASTANA. KAZINFORM — 25-27 qyrkúıekte Londonda The O2 arenasynda ótetin Leıver kýbogyna Qazaqstannyń birinshi, álemniń 11-raketkasy Aleksandr Býblık qatysady.
A.Býblık tennıs juldyzdary qatysatyn atalmysh dodada alǵash ret óner kórsetpekshi.
Qazaqstandyq tennısshi álemniń 9-raketkasy Teılor Frıts, sondaı-aq aýstralııalyq Aleks de Mınor (6-oryn), amerıkalyq Ben Sheltonmen (5-saty) birge álem quramasyna engizildi.
Eýropa komandasynda álemniń 2-raketkasy, ıspanııalyq Karlos Alkaras, reıtıngide 3-oryndaǵy germanııalyq Aleksandr Zverev, ıtalııalyq Flavıo Kobollı (10-oryn) jáne chehııalyq ıAkýb Menshık (16-saty) oınaıdy.
Leıver kýbogynyń baspasóz qyzmeti A.Býblıktiń sózin keltirdi.
— Bul tamasha. Men Leıver kýbogyn jyl saıyn súısine qaradym. Bul týrnır sportymyzǵa óte kóp jarqyn sátter syılady, sondyqtan soǵan qatysýshy retinde tańdalǵanym men úshin úlken qurmet. Men álem komandasynyń namysyn qorǵaıtynyma maqtanysh sezimmen qaraımyn jáne Londonda Leıver kýbogynda alǵash óner kórsetetin sátimdi asyǵa kútemin, — dedi A.Býblık.
Qazaqstandyq tennısshi sonymen qatar Almatyda 17-25 qazan aralyǵynda ótetin Almaty Open ATP dodasynda baq synaıtynyn málimdedi.
Ol Telegram áleýmettik jelisindegi paraqshasynda: — Sálem, dostar! Qymbatty tennıs jankúıerleri, kezdesýdi asyǵa kútemin — Almaty Open týrnırinde kóriskenshe! — dep jazdy.
Eske sala keteıik, budan buryn Berlın týrnırinde Elena Rybakına men Arına Sobolenko kezdese me, sony jazǵan edik.
Qazaqstandyq tennısshi álemdik reıtıngide birden 143 satyǵa joǵary kóterildi.
