Leıptsıg haıýanattar baǵy qus tumaýyna baılanysty birqazandaryn joıdy

ASTANA.KAZINFORM — Germanııada Leıptsıg haıýanattar baǵy qus tumaýynyń órshýine baılanysty ondaǵy barlyq birqazandardy joıýǵa májbúr boldy, dep habarlaıdy BILD.

Aldymen vırýstan bir birqazan óldi, artynsha taǵy bireýiniń jaǵdaıy qıyndady. Veterınarlyq qyzmetkerler vırýstyń haıýanattar baǵyndaǵy basqa jan-janýarlarǵa tarap ketýiniń aldyn alý úshin qalǵan qustardy evtanazııalaý týraly sheshim qabyldady.

Dırektor Iorg ıÝnholdtyń aıtýynsha, bul shara qalǵan janýarlardy qorǵaý úshin qajet boldy. Osy aptada haıýanattar baǵynyń 350 mekendeýshisi tekserýden ótti jáne barlyq nátıje teris boldy.

Peta uıymy haıýanattar baǵyna bolashaqta qus ósirýdi tolyǵymen toqtatýǵa shaqyrdy.

Buǵan deıin Germanııada qus tumaýynyń kesirinen 500 myń qus joıylǵanyn habarlaǵan edik.