Leıptsıgte kóligi barlarǵa qoǵamdyq kólikte tegin júrýge ruqsat etildi
ASTANA. 12 sáýir. QazAqparat - Leıptsıgte 10-13 sáýir aralyǵynda jeke kóligi bar adamdarǵa qoǵamdyq kólikte tegin júrý quqyǵy berildi, dep jazady MDR.
Osylaısha, qalalyq jáne aımaqtyq kólikterdi basqarýshy kompanııalar júrgizýshilerge janarmaıdy únemdeý úshin jeke kólikten qoǵamdyq kóliktiń tıimdirek ekenin kórsetpek bolǵan.
Tegin jolaqy bıletin alý úshin jeke kóligińizdiń qujatyn kórsetseńiz jetkilikti.
Qoǵamdyq qólik ókilderiniń esepteýinshe, otbasyda ekinshi jeke kólikti júrgizý úshin jylyna 5 myń eýro artyq shyǵyn jumsalady. Buǵan aı saıyn janarmaıǵa ketetin shamamen 100 eýrony qosyńyz. Endi salystyryńyz: Leıptsıgtegi qoǵamdyq kólikte aılyq jolaqy bıleti 46,92 eýro turady. Onymen qoımaı, keshke jáne demalys kúnderi bir bıletpen birneshe adam qatar júre alady.
Dál osyndaı aktsııany kórshi qala - Gallanyń basshylary da júrgizbek nıette kórinedi. Alaıda onyń dál qashan jáne qalaı ótetini ázirge belgisiz.
