Leıkozǵa ushyraǵan balalardan S gepatıti anyqtalýy jaǵdaıy boıynsha qorytyndylar QR Bas prokýratýrasy men Densaýlyq saqtaý mınıstrligi komıssııasynyń jumysynan keıin jasalady

ASTANA. 27 shiálde. QazAqparat - «Ulttyq ana men bala ǵylymı ortalyǵy» AQ kópbeıindi medıtsına ortalyǵy bolǵandyqtan ártúrli patologııadaǵy balalardy emdeıdi, sonyń ishinde qan aýrýlary da bar, dep habarlady vedomstvonyń baspasóz qyzmeti.

2012 jyly JCI táýelsiz halyqaralyq komıssııasy bul ortalyqtyń medıtsınalyq kómek kórsetý sapasy standarttaryn jáne patsıentterdiń qaýipsizdigin saqtaıtynyn qýattap tirkegen. Standarttardy saqtaý gospıtalishilik S gepatıti vırýsynyń juqtyrylýyna jol bermeıdi.

2013 jyldyń birinshi jartysynda Ortalyqta leıkoz syrqatyna ushyraǵan 270 bala emdeldi. S vırýs gepatıti alǵash ret 30 patsıentten anyqtaldy, bul olardyń 11 paıyzy. 2012 jyldyń osy kezeńinde 166 patsıent emdeldi, olardyń 16-synan S vırýstik gepatıti anyqtaldy, bul 12,5 paıyzy. Sóıtip, 2 jyl ishinde S vırýstik gepatıti bir deńgeıde qalyp otyr. Halyqaralyq statıstıkalyq málimetter S vırýstik gepatıti leıkozben aýyratyn balalardyń 10-25 paıyzynda ushyrasatynyn kórsetedi.

Bul arada S gepatıtiniń ınkýbatsııalyq eń uzaq kezeńi 780 kúnge sozylatynyn eskerý qajet. Adam organızmine túsken vırýs qozdyrǵyshy uzaq ýaqyt ulpada saqtalyp, qan plazmasynyń ımmýnologııalyq zertteýlerinde qapelimde bilinbeýi múmkin. Sonymen qatar halyqaralyq sarapshylar S gepatıti vırýsy turmystyq jolmen, bıologııalyq suıyqtyqtar arqyly enýi yqtımal ekenin aıtady.

Halyqaralyq hattamalar boıynsha júrgiziletin hımııalyq terapııa kezinde qan jasýshasyndaǵy isiktiń ósýi tunshyqtyrylady, bul sonymen qatar organızmniń ımmýndyq júıesin de áliretedi. Bul óz kezeginde organızmniń jasyryn juqpaly aýrýlaryn da belsendire túsedi, S vırýstik gepatıti de olardyń qataryna jatady. Halyqaralyq sarapshylardyń pikirinshe, S vırýstik gepatıti leıkoz aýrýlaryn asqyndyrmaıdy ony emdeý leıkoz syrqatynan jazylý nemese syrqattyń turaqty kezinde júrgiziledi. Qazaqstandyq balalardyń kepildendirilgen tegin medıtsınalyq kómek kólemi aýqymynda bul aýrýdan emdelip shyǵýyna barlyq qajetti jaǵdaı bar.

Bul másele boıynsha túpkilikti qortyndylar QR Bas prokýratýrasy men Densaýlyq saqtaý mınıstrliginiń birlesken komıssııasynyń jumysy aıaqtalǵannan keıin jasalatyn bolady.