Leıkemııanyń emi tabyldy
ASTANA. QazAqparat - Dárigerler leıkemııaǵa dýshar bolǵan adamdarǵa aýrýdan jazylýdyń jańa ádisterin qoldana bastady.
Zertteýshi ǵalymdar eki preparatty býdandastyrý arqyly aq qanmen kúresetin jańa dáriniń túrin usynyp otyr. Kúnine eki márte qabyldanatyn dármek leıkemııaǵa shaldyqqandardyń ómirin saqtap qalýǵa úlken sep bermek, dep habarlaıdy Medical News Today basylymy Veıll Kornell medıtsınalyq kolledjiniń zertteýlerine silteme jasap.
Mamandardyń zertteý jumystary sozylmaly lımfoleıkozǵa arnalyp otyr. Bul dert kezinde jilik maıy qanǵa aq qan túıirshikterin - leıkotsıtterdi kóp mólsherde jibere bastaıdy. Soǵan baılanysty, lımfotsıtterdiń negizgi fýnktsııasy buzylyp, olar aǵzadaǵy ınfektsııamen kúrese almaıtyn jaǵdaıǵa jetedi. Anomalııaǵa ushyraǵan leıkotsıtterdiń saldarynan trombotsıtter men erıtrotsıdter yǵystyryla bastaıdy. Nátıjesinde adamda anemııa paıda bolyp, qan ketý jıileıdi. Ádette onymen hımıoterapııa arqyly kúresedi. Alaıda onyń zııany da ushan-teńiz. Qazirgi ýaqytta ǵalymdardyń usynyp otyrǵan dáriniń jańa túri adam densaýlyǵyna zııan keltirmeıtin kórinedi. Ony dárigerler 220 adamǵa synaq júrgizip kórdi. Taldaý kórsetkenindeı, 6 aıdyń ishinde atalmysh patsıentterdiń 93 paıyzynda derttiń odan ári damýy toqtaǵan. Bir jyldan keıin de leıkemııasy bar adamdardyń 92 paıyzy tiri qalǵan. Tipti aýrýy hımıoterapııaǵa da kónbeıtin emdelýshilerdiń ózi atalmysh dáriden saýyǵa bastaǵan. Sondyqtan zertteý toqtatylyp, dári-dármek tez arada qoldanysqa engizildi.
