Leıkemııamen aýyratyn balalar S gepatıtin juqtyrýyna baılanysty Pedıatrııa ınstıtýty Bas prokýratýranyń tekserisine qaıta iligedi - mınıstr
ASTANA. 25 aqpan. QazAqparat /Gúlmıra Álıakparova/ - Elimizdiń Bas prokýratýrasy leıkemııamen aýyratyn balalar S gepatıtin juqtyrýyna baılanysty Pedıatrııa ınstıtýtyna qaıta tekseris júrgizedi.
Bul týraly búgin on-laın konferentsııa barysynda Densaýlyq saqtaý mınıstri Salıdat Qaıyrbekova aıtty.
«Balalardyń Pedıatrııa ınstıtýtynda S gepatıtin juqtyrýy múmkin jolyna toqtalatyn bolsam, bunyń qanshalyqty múmkindigin tekserý úshin men Bas prokýratýraǵa hat joldadym. Ótken jyly tekseris boldy. Biraq juqpa kózi anyqtalmady. Sondyqtan, artyq kúmándar, qobaljýlar bolmas úshin, men Bas prokýratýraǵa júgindim. Bilýimshe, tekseris bastalýy tıis, bastalyp ta ketken bolar», - dedi mınıstr.
Sondaı-aq S.Qaıyrbekovanyń sózine qaraǵanda, mınıstrlik Qazaqstannyń barlyq óńirlerindegi qan qyzmetteri men ortalyqtarynda tekserister júrgizý týraly bastama kóterdi.
«Búgin men, 16 oblystaǵy qan ortalyqtary zamanaýı qurylǵylarmen jabdyqtalǵandyǵyn aıta alamyn jáne biz respýblıkalyq bıýdjet qarajatyna bastapqy shyǵyn materıaldary bar taǵy jeti qurylǵy satyp aldyq», - dep túıindedi sózin vedomstvo basshysy.
