Leıkemııamen aýyratyn balalar gepatıttiń «S» vırýsyn quıylǵan qannan juqtyrǵan joq - J.Dosqalıev
ASTANA. Qańtardyń 14-i. QazAqparat /Gúlmıra Álıakparova/ - Búgin QR Densaýlyq saqtaý mınıstri Jaqsylyq Dosqalıev Almatydaǵy Pedıatrııa jáne balalar hırýrgııasy ǵylymı ortalyǵynda leıkemııa dıagnozymen emdelip jatqan balalardyń gepatıttiń «S» vırýsyn juqtyrý faktisine qatysty arnaıy Komıssııa júrgizgen tekseristiń nátıjelerin jarııalady.
Mınıstrdiń aıtýynsha, balalar atalmysh vırýsty Pedıatrııa ınstıtýtynda, nemese Respýblıkalyq qan ortalyǵy daıyndaǵan qan jáne onyń quramdastarynan juqtyrǵan joq. «Al vırýsty juqtyrý faktisi, balalardyń buǵan deıin emdelgen qaı mekemede oryn alǵanyn anyqtaý múmkin emes», - dep atap ótti ol, dep habarlaıdy QazAqparat.
Buǵan deıin habarlanǵandaı, balalardyń Pedıatrııa ınstıtýtynda gepatıttiń «S» vırýsyn juqtyrý faktisin anyqtaý boıynsha qurylǵan komıssııa atalmysh Ortalyqta 2007-2009 jyldar aralyǵynda emdelgen 3 myń naýqastyń aýrý tarıhyn zerdelep, olardyń 106-sy vırýsty atalmysh emdeý mekemesine túspeı turyp juqtyrǵanyn anyqtaǵan bolatyn.
Mınıstr búgin, osy 106 balaǵa Pedıatrııa ortalyǵynda quıylǵan qan zararsyz bolǵanyn, ıaǵnı onda gepatıttiń «S» vırýsy bolmaǵanyn anyqtady.
Sondaı-aq ol, balalardyń vırýsty juqtyrýy múmkin bolǵan jaǵdaılardy atap ótti. Máselen, olardyń 47-si buǵan deıin ártúrli deńgeıdegi medıtsınalyq mekemelerde qan tamyryna túrli egýler jasatqan. 78 jaǵdaıda - balalar túrli stomotologııalyq qyzmetter qabyldaǵan. Komıssııanyń qorytyndysy boıynsha qalǵan 8 balaǵa túrli operatsııalar jasalǵan.
«106 balanyń 8-i qazir Qazaqstan aýmaǵynan tys jerde. Qalǵan 98 bala jiti tekseriske alyndy. Ókinishke qaraı, olardyń juqpany naqty qaı jerde juqtyrǵanyn anyqtaý múmkin emes», - dedi mınıstr.
