Lexus tizgindegen mas qyzdar turaqtaǵy kólikke soǵyldy
ALMATY. QazAqparat - Almatyda Lexus tizgindegen mas qyzdar turaqtaǵy kólikti zaqymdady, dep habarlaıdy QazAqparat tilshisi.
Abyroı bolǵanda 5 mınýt buryn er adam turaqqa kóligin qoıyp, dárihanaǵa kirip ketken.
Tars etken dybysty estigen soń kólik ıesi syrtqa júgirip shyqqan. Osy mezette Lexus oqıǵa ornynan ketip bara jatqan.
Janushyryp toqtatqan kezde ol rólde mas boıjetken otyrǵanyn kóredi.
Onyń qasyndaǵy qurbysy da mas bolǵan.
Keıinirek oqıǵa ornyna erli-zaıyptylar keledi. Áıel adam mas boıjetkenniń ápkesi bolyp shyqty.
Ol óz kezeginde rólde ózi bolǵanyn aıtyp, sińlisin aqtap alýǵa tyrysty.
Qazir máseleniń mán-jaıyn polıtsııa anyqtap jatyr.
