Lexus kóliginde 4 adam tirideı janyp ketti
ASTANA. QazAqparat - Ystyqkól mańynda bolǵan jol-kólik apaty saldarynan 4 adam tirideı janyp ketti, dep habarlaıdy Kabar.
Ystyqkól oblystyq ІІB baspasóz qyzmeti taratóan málimetterge qaraǵanda, búgin saǵat 04:27-de Balyqshy-Ananevo-Qarakól tasjolynyń 112 shaqyrymynda Grıgorevka men Kashat aýyldarynyń aralyǵynda jol-kólik apaty boldy.
«Lexus-RX-300» markaly avtomashına joǵary jyldamdyqpen tasjoldan shyǵyp ketip, birneshe ret aýdarylǵannan keıin órtke oranǵan. Kóliktiń salonynda bolǵan júrgizýshi men úsh jolaýshy tirideı janyp ketti», - dedi ІІB.
Oqıǵa ornyn tekserý kezinde, avtomobıl 100 metr qashyqtyqqa deıin tóńkerilgen. Avtomashınanyń janynan qaldyqtar - avtobólshekter men mashınadan túsip qalǵan zattar tabyldy. Tergeý amaldary júrip jatyr.
