Levıt fınalda qarsylasyn aıqyn basymdyqpen utty
ASTANA. QazAqparat - Bokstan Astanada ótip jatqan Prezıdent Kýbogy dodasynyń fınaldyq aıqasynda Rıo-de-Janeıro olımpıadasynyń kúmis júldegeri Vasılıı Levıt úndilik qarsylasyn aıqyn basymdyqpen utty, dep habarlaıdy QazAqparat tilshisi.
91 keli salmaqta óner kórsetken otandasymyz Vasılıı Levıt alǵashqy rýandtardan bastap óziniń sharshy alańnyń qojaıyny ekenin birden sezdirdi. Ol qarsylasyn buryshtan buryshqa qýyp júrip sabap, jankúıerleriniń ystyq yqylasyna bólendi.
Úshinshi raýndta jerlesimizdiń aýyr soqqysynan úndilik boksshy Chaýhan Gaýrav nokdaýn aldy. Tórtinshi raýndta da Levıt osy qarqynyn jalǵastyra bildi.
Esterińizge sala keteıik, jarysqa qazaq sportshylarynan bólek, Ózbekstan, Iran, Úndistan, Tájikstan, Fılıppın, Ońtústik Koreıa, Ýkraına, Reseı, Mońǵolııa jáne Qyrǵyzstan elderiniń boksshylary qatysyp jatyr.
