Lev Gýmılev atyndaǵy Eýrazııa ulttyq ýnıversıtetinde halyqaralyq semınar ótti
STANA. Aqpannyń 26-sy. QazAqparat /Arman Asqarov/ - Búgin Lev Gýmılev atyndaǵy Eýrazııa ulttyq ýnıversıtetinde «Ortalyq Azııanyń HHI ǵasyrdaǵy qaýipsizdigi men yntymaqtastyǵy: maqsattar, basymdyqtar jáne qaterler» taqyrybynda halyqaralyq semınar ótti,
dep habarlaıdy QazAqparat.
Semınarda álemdik jáne aımaqtyq alyp memleketterdiń Ortalyq Azııa eldermen ózara qarym-qatynasy, aımaqtaǵy sý qýatyn paıdalaný, jappaı qyryp- joıatyn qarý-jaraqty qoldaný máseleleri talqyǵa salyndy. «Búgingi semınar Qazaqstannyń aldyna qoıǵan jańa belesi - Shyǵys pen Batystyń arasyn jalǵastyratyn shynaıy kópir bolý máselesi aıasynda ózekti bolyp otyr. Qazaqstan úshin Ortalyq Azııa aımaǵymen saýda-ekonomıkalyq qatynastardy ǵana emes, sondaı-aq osy aımaqtaǵy elderimen baılanysta týyndap otyrǵan shekaralyq qaterlerdiń aldyn alý jáne oǵan qarsy turý da asa mańyzdy», - dedi semınardyń ashylý rásiminde ýnıversıtet rektory B.Ábdiraıym.
Semınar L.N. Gýmılev atyndaǵy Eýrazııa ulttyq ýnıversıteti janyndaǵy Qazirgi zertteýler ınstıtýty, Aımaqtyq boljamdaý ortalyǵy jáne Qazaqstandaǵy Frıdrıh Ebert qorynyń uıymdastyrýymen ótti.
