Lev Cherepanov ashyq sýda júzýden Azııa chempıonatynda qola júldege qol jetkizdi

ASTANA. KAZINFORM – Qazaqstannyń ashyq sýda júzý komandasynyń ókili Lev Cherepanov Gonkong qalasynda ótken Azııa chempıonatynda qola júlde enshiledi. 

Ulttyq olımpıadalyq komıtettiń habarlaýynsha, qazaqstandyq sportshy 10 shaqyrymdyq júzýde úshinshi oryn alyp, el qorjynyna qola medal salǵan. 

Aıta ketsek, Azııa chempıonaty 10 qarashaǵa deıin jalǵasady. Týrnırde elimizdiń atynan 6 sportshy baq synap jatyr. 

Eske sala keteıik, buǵan deıin júzýden Almatyda ótken el birinshiliginde Qazaqstan rekordy jańarǵanyn jazǵan edik. Sondaı-aq Sıngapýrdegi júzýden álem kýbogynyń birinshi kezeńinde otandastarymyz sátti óner kórsetip, eki birdeı rekord ornatty.