Lesoto AQSh tarıfterinen keıin ulttyq apat rejımin jarııalady

PRETORIıA. KAZINFORM – AQSh prezıdenti Donald Tramp ákimshiliginiń Lesoto elinen ákelinetin taýarlarǵa joǵary kedendik tarıf engizýine baılanysty Koroldik Lesoto ulttyq apat rejımin jarııalady. Bul týraly eldiń Saýda, ónerkásip jáne shaǵyn kásipkerlik mınıstri Moketı Shelıle málimdedi, dep jazdy TASS agenttigi.

Mınıstrdiń aıtýynsha, jańa tarıfterdiń saldarynan eldegi jumyssyzdyq kúrt ósken, ásirese toqyma ónerkásibi aýyr soqqyǵa ushyraǵan.

– Ulttyq apat rejımin jarııalaý úkimetke aldaǵy eki jyl ishinde toqyma salasynan tys 60 myń jańa jumys ornyn jedel túrde ashýǵa múmkindik beredi, – dedi Shelıle Financial Times basylymyna bergen suhbatynda.

Lesotonyń AQSh-qa negizgi eksporttyq ónimi – toqyma buıymdary, ony Levi’s sekildi áıgili brendter satyp alady. Ótken jyly Lesoto AQSh-qa 237 mıllıon dollar kóleminde taýar eksporttaǵan. Bul eldiń jalpy ishki óniminiń shamamen 10%-yn quraıdy.

AQSh Lesotonyń toqyma ónimderine 50% kedendik tarıf engizip, bul sheshim Afrıkadaǵy bul memlekette jappaı óndiris oryndarynyń jabylýyna jáne jumysshylardyń qysqartylýyna alyp keldi.

– Biz toqyma ónerkásibiniń tolyq toqtaý qaýpine tap boldyq, – dep atap ótti Shelıle.

Ulttyq apat rejımi 2027 jyldyń 30 maýsymyna deıin kúshinde bolady. Bul rejım ınvestıtsııalyq sheshimderdi jedel qabyldaýǵa jáne jańa jumys oryndaryn ashýǵa arnalǵan memlekettik shyǵyndardy bıýrokratııalyq kedergilersiz júzege asyrýǵa múmkindik beredi.

Lesoto – Afrıkanyń ońtústiginde ornalasqan, teńizge shyǵa almaıtyn, álemdegi eń kedeı memleketterdiń biri. Halqy – 2,36 mıllıon, onyń jartysynan astamy Dúnıejúzilik bank belgilegen kúndik tabysy $2,15 bolatyn kedeılik sheginen tómen ómir súredi. Eldegi jalpy jumyssyzdyq – shamamen 30%, al jastar arasyndaǵy jumyssyzdyq – 48%.

Eske sala keteıik, buǵan deıin AQSh 1 tamyzdan bastap EO men Meksıka taýarlaryna 30% kedendik baj salyǵyn engizedi.