«Lesnaıa polıana» turǵyn úı alaby Astana qalasyna qosylmaıdy - ákimdik
ASTANA. 3 qańtar. QazAqparat - «Lesnaıa polıana» turǵyn úı alaby Astana qalasyna qosylmaıdy. Bul týraly qala ákimi Imanǵalı Tasmaǵambetov óziniń blogynda málim etti.
Elorda ákiminiń blogyna: «Lesnaıa polıana» turǵyn úı alaby qalaǵa qashan qosylady?», - degen Qosshy eldimekeniniń turǵynynan saýal túsken bolatyn.
«Astana qalasynyń bas jospary týraly» Qazaqstan Respýblıkasy Úkimetiniń 2001 jylǵy 15 tamyzdaǵy №1064 qaýlysyna ózgerister engizý týraly» Qazaqstan Respýblıkasy Úkimetiniń 2001 jylǵy 30 shildedegi №884 qaýlysymen bekitilgen Astana qalasynyń bas josparyna sáıkes, Astana qalasynyń ákimshilik shekaralaryn ózgertý qarastyrylmaǵan. Aqmola oblysynyń Qosshy aýylynda ornalasqan «Lesnaıa polıana» turǵyn úı alabyn Astana qalasyna qosý kózdelmegen», - dep atap ótti I.Tasmaǵambetov óz jaýabynda.
