Leonıd Prokopenko: Qazaqstan qoǵamdy biriktirýdiń ózindik ıntegratsııalyq ádisin tańdady
Shara barysynda «Nazarbaev Ýnıversıteti» derbes bilim berý mekemesiniń prezıdenti Shıgeo Katsý men Qazaqstan halqy Assambleıasy Tóraǵasynyń orynbasary - QR Prezıdenti Ákimshiliginiń QHA hatshylyǵynyń meńgerýshisi Leonıd Prokopenko yntymaqtastyq týraly memorandýmǵa qol qoıdy.
Konferentsııada sóz bastaǵan Qazaqstandaǵy Kongrad Adenaýer atyndaǵy qor ókildiginiń dırektory Tomas Helm eki eldiń ıntegratsııalyq saıasaty týraly sóz qozǵady. Óz kezeginde Qazaqstan halqy Assambleıasy Tóraǵasynyń orynbasary Leonıd Prokopenko ıntegratsııalyq saıasat turǵysynan Qazaqstannyń ózindik modeli baryn atap ótti.
«Bizdiń taqyryptyń ataýy - «Qazaqstan men Germanııadaǵy ıntegratsııalyq saıasat. Salystyrmaly taldaý». Ózderińiz biletindeı, álemde ıntegratsııanyń ártúrli modelderi bar. Kóptegen elderde etnıkalyq toptardyń quqyqtyq jaǵdaıy ulttyq azshylyq ınstıtýty arqyly rettelip otyrady. Qazaqstan damýdyń ózindik dańǵyl jolyn tańdap, polıetnıkalyq qoǵamnyń ıntegratsııalyq ádisin daıyndady. Bul rette sheshýshi róldi eki negizgi faktor atqardy. Birinshisi - el Prezıdentiniń saıası erik-jigeri. Elbasy áý bastan-aq el saıasatynyń basymdyǵy retinde birlikti tańdady. Ekinshisi - Prezıdent qurǵan jáne ýaqyt ótken saıyn jetilip kele jatqan, etnostardy bir halyq retinde biriktirip, ıntegratsııany qamtamasyz etetin model. Bizdiń Konstıtýtsııa - «Biz Qazaqstan halqy» dep bastalady. Bul eldegi barlyq azamattardyń yntymaqtarynyń irgetasy bola bildi», - deıdi Leonıd Prokopenko.
Qazaqstan halqy Assambleıasy tóraǵasynyń orynbasary óz sózinde osynyń arqasynda Qazaqstandaǵy barlyq ulttar ıntegratsııalyq strategııany, tirshilik etýdiń ıntegratsııalyq modelin tańdap alǵanyn aıtady.
«Etnomádenı birlestikterdiń Qazaqstan halqy Assambleıasyna birigýi qýatty qoǵamdyq resýrs retinde barlyq ulttyq toptardyń múddeleriniń akkýmýlıatsııasy bola bildi. Sondyqtan, men Nursultan Nazarbaevtyń modeli - Qazaqsan halqy Assambleıasy etnıkalyq toptardyń quqyqtary turǵysynda demokratııalyq standarttardy qamtıdy. Búgingi tańda Qazaqstanda 180 myńǵa tarta nemis bar. Nemis etnomádenı birlestikteri belsendi túrde jumys júrgizýde. Prezıdenttiń tapsyrmasy boıynsha akademııalyq degen joǵary mártebe berilgen nemis drama teatry da bar. Nemis gazeti shyǵyp tur. Memleket nemis mádenıeti, dástúri men tiliniń damýyna barynsha qoldaý bildirip keledi», - dedi Leonıd Prokopenko.
