Leonardo Dı Kaprıo úshinshi ret «Altyn globýs» syılyǵyn aldy
ASTANA. QazAqparat- NBC arnasy kórsetetin Gollıvýd shetel baspasózi qaýymdastyǵynyń nagradasyn tabystaýdyń 73-shi rásiminde Leonardo Dı Kaprıo «Vyjıvshıı» fılmindegi úzdik dramalyq róli úshin «Altyn globýs» syılyǵyn ıelendi.
Eń úzdik er adam róli nagradasyna úmitker retinde ótken jylǵy laýreat Eddı Redmeın («Devýshka ız Danıı»), Maıkl Fassbender («Stıv Djobs»), Ýıll Smıt («Zaşıtnık») jáne Braıan Krenston («Dalton Trambo») bar.
«Zolotoı globýs» syılyǵy Gollıvýdte akkredıttelgen shetel jýrnalısteri belgileıtin kınofılmder men televızııalyq kartınalar úshin 1942 jyldan bastap berilip keledi. Qaýymdastyqta álemniń 55 elinen 90 reporter bar.
2015 jyly «Altyn globýs» nusqasy boıynsha úzdik akter ataǵyn baıopıkte Stıven Hokıng róli úshin Redmeın alǵan bolatyn, dep jazdy RIA Novostı .
Jarystyń favorıti sanalǵan Dı Kaprıonyń bul - úshinshi «Altyn globýsy», ol «Avıator» (úzdik dramalyq akter) jáne «Volk s Ýoll-strıt» (úzdik komedııalyq akter) fılmderindegi rólderi úshin HFPA nagradasyn buryn da alǵan. Kınosynshylar «Globýs» ataǵyn alý «Vyjıvshıı» fılmindegi róli úshin akterdiń Oskar syılyǵyn alýǵa múmkindigin arttyra túskenin aıtty.
