Leonardo Dı Kaprıo óz ýaqytyn aýktsıonǵa shyǵardy
ASTANA. QazAqparat - Frantsııanyń San-Trope qalasynda Leonardo Dı Kaprıonyń qaıyrymdylyq qory uıymdastyrǵan aýktsıon ótip jatyr, dep jazady Rosbalt.
Akter men onyń dostarynyń jeke zattary jáne olarmen saýyq keshin jasaý, keshki as ishý nemese demalys kúnderin ótkizý múmkindigi satylymǵa shyǵaryldy. Toptama arasynda Margo Robbımen túski as ishý, Arnold Shvartseneggerdiń jeke kollektsııasyndaǵy Harley Davidsons mototsıkli bar.
Aýktsıonnan túsken barlyq tabys tabıǵatty qorǵaý jáne jahandyq jylynýmen kúreske jumsalady.
Budan buryn Dı Kaprıo óz úıindegi bir aptalyq demalysty da satqan bolatyn. Satylym Frantsııada ótti jáne ony amerıkalyq SPID-ti zertteý qory uıymdastyrǵan bolatyn.
