Leonardo Dı Kaprıo qory tabıǵatty qorǵaýǵa 20 mln dollar bóldi
ASTANA. QazAqparat - Gollývýdtyq kıno juldyzy Leonardo Dı Kaprıo qory qorshaǵan ortany qorǵaý jónindegi baǵdarlamalardy damytý maqsatynda júzden astam uıymdarǵa qomaqty qarjy bóldi.
Atalmysh qordyń baspasóz qyzmetiniń habarlaýynsha, qarajat jabaıy tabıǵatty saqtaý baǵdarlamalaryna, baıyrǵy halyq quqyqtaryn qorǵaýǵa kómek jáne aýa raıy ózgeristerimen kúreske baǵyttalǵan ınnovatsııalyq kúshterdi qoldaý men kúrdeli ekologııalyq máselelerdi sheshýge baǵyttalǵan.
Bólingen qarajattyń jalpy somasy 20 mıllıon dollardy quraıdy, bul Dı Kaprıo qory úshin rekordtyq kórsetkish.
Aıta keteıik, «Oskar» syılyǵynyń laýreaty Leonardo Dı Kaprıo óziniń qorshaǵan ortany qorǵaý boıynsha qaıyrymdylyq isterge belsene aralasqany úshin 2014 jyly BUU-ynyń aýa-raıy máseleleri boıynsha álem elshisi bolyp taǵaıyndalǵan bolatyn.
