Leonardo dı Kaprıo Gollıvýdtyń eń joǵary jalaqy tólenetin akterine aınaldy
ASTANA. 2 tamyz. QazAqparat - Leonardo dı Kaprıo Forbes jýrnalynyń jazýynsha, eń joǵary jalaqy tólenetin akterler tizimin bastady, dep habarlady Ýtro.rý.
Ótken jyldyń mamyrynan beri ol 77 mıllıon dollar tapty. Dı Kaprıonyń negizgi tabysy «Qarǵys atqan aral» jáne «Bastaý» trıllıerinde somdaǵan rólderinen tústi.
Reıtınginiń ekinshi ornynda «Karıb teńiziniń qaraqshylary» fılminde Djek Vorobıa rólin oryndap, qalamaqysyn alyp jatqan, 50 mln. dollarmen ótken jyldyń kóshbasshysy bolǵan Djonnı Depp jaıǵasty.
Úshinshi orynda 2010 jyly 40 mln. dollar tapqan saıqymazaq Adam Sendler, odan keıin 36 mln. dollarmen Ýıll Smıt jáne 35 mıllıon kirispen Tom Henks keledi.
