Leonardo da Vınchıdiń urpaqtary tabyldy
ASTANA. QazAqparat - Leonardo da Vınchı - ıtalııalyq uly sýretshi ári ǵalym. Onyń tegi biz oılaǵandaı «da Vınchı» dep berilmegen. Naqtyraq aıtqanda onyń tegi bolmaǵan. Sol sebepti ony «Vınchı qalashyǵynan shyqqan» degen maǵynamen «da Vınchı» dep ataǵan. Biraq bul jazba onyń tegi týraly emes, urpaǵy týraly bolmaq.
Buǵan deıin sýretshiniń balasy bolmaǵan dep eseptilip kelgen. Ónertanýshy, Leonardo murajaıynyń dırektory Alessandro Vetstsozı bul jańalyqty 14 sáýirde sýretshige arnalǵan konferentsııada jarııa etken. Zertteýshi «ǵalymnyń urpaǵy qalmaǵan» degen derekke senbeı, 43 jyl boıy osy jumbaqtyń jaýabyn izdep kelgen. Nátıjesi: áıgili sýretshiniń búkil álem boıynsha 35 urpaǵy bar. Italıalyq ǵalymdar osyndaı qorytyndyǵa keldi.
Mamandar izdestirý jumystaryn 40 jyldan astam ýaqyt boıy júrgizipti. Belgili bolǵandaı, «Djokonda» avtorynyń týystary negizinen Italııada turady eken. Olardyń arasynda ataqty rejısser Franko Dzeffırellı de bar. Sonymen qatar, sheberdiń urpaqtary Frantsııa men Ispanııadan da tabylǵan. Urpaqtarynyń biri rejısser, biri kondıter, biri polıtsııa qyzmetkeri eken, dep jazady massaget.kz.
