Leonardo da Vınchıdiń qabiri ashylmaq
ASTANA. Qańtardyń 27-si. QazAqparat - Italııa Ulttyq mádenı mura komıteti Leonardo da Vınchıdiń múrdesin ashýǵa ruqsat surady. Olar Qaıta órleý dáýirindegi uly sýretshi jerlengen dep sanalatyn frantsýzdyq Ambýaz qamalyndaǵy qabirdi ashýǵa bel baılap otyr,
dep habarlaıdy QazAqparat Lenta.rý saıtyna silteme jasap.
Habarlanǵanyndaı, kelissózderge qatysýshylar kelisimge qol jetkizgen jáne qabirdi ashýǵa arnalǵan resmı ruqsat 2010 jyldyń jazynda berilýi múmkin.
Joba jetekshisi Sılvano Vınchentıdiń (Silvano Vincenti) aıtýynsha, ǵalymdar aldymen Ambýazde jerlengen múrdeniń shynymen Leonardoǵa qatysynyń bar-joǵyn anyqtaýy qajet. Bul úshin radıokómrqyshqyly arqyly kúnin belgileý ádisin paıdalaný; sonymen qatar, tisteriniń jáne súıekteriniń DNK-lerin Bolonede jerlengen da Vınchı otbasy músheleri DNK-lerimen salystyrý josparlanýda. Sondaı-aq saraptama Leonardonyń neden ólgenin: súıekter sıfılıspen, týberkýlezben aýyrǵan-aýyrmaǵanyn jáne qorǵasynmen ýlanǵan-ýlanbaǵanyn anyqtaýǵa kómektesýi múmkin.
Mamandardyń maqsaty bas súıek boıynsha Leonardonyń syrtqy beınesin qalpyna keltirý bolyp tabylady.
