Leo Varadkar Irlandııa premer-mınıstri boldy
ASTANA. QazAqparat - Irlandııalyq Doıla - tómengi palata depýtattary Fine Gael partııasynyń kóshbasshysy Leo Varadkardyń kandıdatýrasyn Irlandııa Premer-mınıstri laýazymyna bekitti. Bul týraly TASS habarlady.
Taıaý saǵattarda Varadkar memleket basshysynyń rezıdentsııasyna barady jáne prezıdent Maıkl Hıggınstiń qolynan atqarýshy bıliktiń atrıbýty - «keńse mórin» alady. 14 maýsymda mınıstrler kabınetiniń jańarǵan quramy jarııalanatyny kútilýde.
Leo Varadkar osy jyldyń 18 mamyrynda Fine Gael kóshbasshysy ýákilettigin óz erkimen tapsyrǵan Premer-mınıstr Endý Kennıdiń ornyna keldi. 2 maýsymda partııaishilik saılaýda Varadkar 60% daýys jınap, óziniń jalǵyz básekelesi - Saımon Koývenıdi basyp ozdy. Osylaısha, Irlandııa úkimeti basshysynyń ornyna basty úmitker atandy.
