Leo Santa Krýs: GGG Lemege qaraǵanda myqty. Jekpe-jek nokaýtpen aıaqtalady dep oılaımyn
ASTANA. QazAqparat - Meksıkalyq ekinshi jeńil salmaqtaǵy kásibı boksshy Leo Santa Krýs Golovkın - Leme jekpe-jegine qatysty óz boljamyn jasady, dep habarlandy VKontakte jelisindegi GGG tobynyń paraqshasynda.
«TrıpplDjı Lemege qaraǵanda myqty. Aldaǵy jekpe-jek nokaýtpen aıaqtalady dep oılaımyn. Qaı kezde aıaqtalatynyn bilmeımin, ony kóremiz. Nokaýtty kútemin. Golovkınmen eki ret kezdestim. Ol árdaıym amandasyp, qalymdy suraıdy. Alǵashqy ret StubHub Center, ekinshi ret - baspasóz máslıhattardyń birinde. Ol rıngten tys jaqsy adam».
