Leo Igıta «Qaırat» fýtzal klýbymen qoshtasý oıynyn ótkizdi

ASTANA. KAZINFORM – Fýtzaldan Qazaqstan quramasynyń kapıtany jáne «Qaırat» klýbynyń oıynshysy Leo Igıta almatylyq komandamen qoshtasý oıynyn ótkizdi. 

Match qaqpashynyń dostary jáne «Qaırat» AFK oıynshylary arasynda ótti. Oıynnan soń sporttyq sharany uıymdastyrýshylar Igıtaǵa qurmet kórsetip, shapan japty. 

Aıta ketsek, Leo mansabyn osy maýsymnyń chempıondary – Semeıdiń fýtzal klýbynda jalǵastyrýy múmkin. Sonymen qatar oǵan brazılııalyq fýtzal klýbtary da qyzyǵýshylyq tanytyp otyr. 

Esterińizge sala keteıik, buǵan deıin «Astana» jáne «Aqtóbe» klýbtarynyń emblemasyn taptaǵan Leo Igıtanyń basy daýǵa qalǵan edi. QFF fýtzalshynyń áreketine baılanysty málimdeme jasaǵan bolatyn. Sondaı-aq Leo Igıtanyń áreketi úshin «Qaırat» fýtzal klýbyna aıyppul salyndy.