Lenınniń eskertkishin qulatty - VIDEO
ASTANA. 9 jeltoqsan. QazAqparat - Kıev mılıtsııasy qaladaǵy Bessarabskıı alańynda Lenınniń eskertkishin qulatý faktisine qatysty qylmystyq isti tergep jatyr,
dep habarlady vedomstvonyń baspasóz qyzmetinen.
Mılıtsııa belgisiz bireýlerdiń eskertkishti qıratýy Ýkraınanyń qylmystyq kodeksiniń 294-babyna sáıkes jappaı tártipsizdik dep sanap otyr.
Múlikti qastandyqpen joıyp, qoǵamdy tártipti qatań buzǵany úshin aıyptalýshylardy jaýapkershilikke tartý kózdelýde.
Jeksenbi kúni habarlanǵandaı, 250-ge jýyq adam aǵashtarǵa arqan baılap tartý arqyly Lenınniń eskertkishin qulatqan. Sol jerde mılıtsııa qyzmetkerleri toly avtobýs turǵan, alaıda olar bul oqıǵaǵa aralaspaǵan, dep habarlady Rosbalt.
