Lenınniń eskertkishin kósemniń týǵan kúnine qaıtadan ornyna qoıady
SANKT-PETERBOR. Naýryzdyń 4-i. QazAqparat /Elena Mıagkova/ - Sankt-Peterbordyń Fınlıandııa vokzaly aldyndaǵy Lenın eskertkishi 2009 jyly sáýirde jarylyp, edáýir búlinshilikke ushyraǵan bolatyn.
Qalalyq músin murajaıynyń dırektory Vladımır Tımofeevtiń jýrnalısterge aıtýynsha, ony qaıta jańǵyrtýǵa jibermese kez kelgen ýaqytta qulaýy múmkin edi.
Qazirgi ýaqytta jańǵyrtý jumystary aıaqtaldy. Endi eskertkishti qaıta ornatý sáýirdiń 20-synda bastalyp, proletarıat kóseminiń týǵan kúnine - sáýirdiń 22-sine aıaqtalady.
Esterińizge sala keteıik, 2009 jylǵy sáýirdiń birinde tańerteń belgisiz bireýler Fınlıandııa vokzalynda Lenın eskertkishin jaryp jibergen bolatyn. Bul fakti boıynsha qylmystyq is qozǵaldy. Biraz pikirtalastardan keıin monýmentti jańartýǵa jiberý qajet degen sheshim qabyldandy.
Lenınniń Fınlıandııa vokzalyndaǵy qola músini - Federaldyq mańyzdaǵy eskertkish. Ol 1926 jyly qarashanyń 7-sinde ashylǵan bolatyn. Músinshi Sergeı Evseev, sáýletshiler Vladımır Şýko, Vladımır Gelfreıh.
