Lenınniń denesin bir jyl qaz-qalpynda saqtaý jumystary 200 myń AQSh dollaryna baǵalandy
ASTANA. QazAqparat - Vladımır Lenınniń beınesin tiri kezindegideı saqtaý jumystary 2016 jyly 13 mln. rýblge (197 myń AQSh dollary) baǵalandy. Bul týraly Reseıdiń memlekettik satyp alýlar portalynda habarlandy.
Habarlamada jazylǵandaı, jumystardyń tapsyrys berýshisi - Reseıdiń Federaldy kúzet qyzmeti.
Habarlamaǵa sáıkes, qyzmet turaqty túrde 2016 jyldyń qarasha aıyna deıin kórsetilýi kerek.
Sońǵy jyldary Lenındi jerleý máselesi jıi kóterilip turady, biraq reseılik qoǵamda bul jóninde birjaqty pikir joq.
Vladımır Ilıch 1924 jyldyń 21 qańtarynda dúnıe saldy. Ol qaıtys bolǵannan keıin denesine balzam jaǵylyp, Máskeýdegi Qyzyl alań Mavzoleıine qoıyldy.
