Lenıngradtyń Uly Otan soǵysy kezindegi erligine arnalǵan aqparattyq portal ashylady
Qalalyq úkimettiń baspasóz qyzmetinen habarlaǵandaı, bul resýrs aqparattyq, ınteraktıvtik jáne áleýmettik bólimderden turatyn bolady.
Portalǵa buryn-sońǵy buqara halyq kórmegen fotosýretterdiń biregeı muraǵatyn ornalastyrý josparlanýda. Sondaı-aq, soǵys ardagerleriniń, qorshaýdaǵy Lenıngrad turǵyndarynyń, kontslagerlerde bolǵan tutqyndardyń fotosýretteri men áńgimeleriniń de «muraǵaty» qurylmaq. Oǵan qosa portalǵa qorshaý jyldaryndaǵy radıo-arhıvterdi ornalastyrý josparlanyp otyr.
Sondaı-aq, búginnen bastap portalda «Lenıngrad qorshaýynyń vırtýaldy murajaıyn jasaýǵa kómektes» dep atalatyn biregeı joba iske qosylýda. Bul jobaǵa atsalysqysy keletin kez-kelgen azamat otbasynda sonaý surapyl jyldardan saqtalyp kele jatqan jádigerdiń fotosýreti men onyń tarıhy týraly qysqasha áńgime joldaı alady.
