Lenıngradtyń fashıstik qursaýdan azat bolǵanyna 66 jyl toldy
Y. Qańtardyń 27-si. QazAqparat / Ádilet Musahaev / - Osydan 66 jyl buryn Lenıngrad fashıstik qursaýdan azat etilgen bolatyn, osy kúnge oraı Almatydaǵy 28 gvardııashy-panfılovshylar saıabaǵyndaǵy monýmentke búgin gúl shoqtary qoıyldy,
dep habarlaıdy QazAqparat.
Gıtler 1941 jyly qalany tolyq joıý úshin Lenıngradqa áskerı kúshterin jumyldyrǵan edi. Sol ýaqytta Lenıngrad jan-jaqty strategııalyq jáne saıası ortalyq bolatyn. Qala turǵyndary 900 kúnge sozylǵan qúrsaýdan, tek 1944 jyldyń 27-shi qańtarynda ǵana azat bolǵandyǵyn búgingi ardagerler men «qúrsaýda bolǵandar» eske aldy.
«Lýga ózeniniń jaǵalaýyna jetý úshin ekinshi Baltyq maıdanynyń 1-shi jáne 22-shi ekpindi armııalarymen Kıngsep baǵytyndaǵy fashısterge soqqy berip, qırattyq. Odan ary Narva men Pskov baǵytyna jyljı otyryp, nemis áskerine kúırete soqqy berip, Lenıngrad oblysyn jaýdan tolyǵymen azat ettik», deıdi Lenıngradty azat etýshi, maıor Aleksandr Hartov.
Lenıngrad qursaýda bolǵan kezde qalada 400 myńnan 1,5 mıllıon adamǵa deıin qaza tapqan degen túrli derekter bar.
Qazirgi kúni Lenıngradty azat etýde erlik kórsetken 115 qorǵaýshy Almatyda turyp jatyr.
