Lenıngradtyń blokadadan shyqqan kúni: máskeýlikterge baýyrsaq taratyldy
ASTANA. QazAqparat - Máskeýde "Qorshaýdaǵy Lenıngradqa Qazaqstan nany" aktsııasy ótti, dep habarlaıdy QazAqparat Qazaqstannyń Reseıdegi elshiligine silteme jasap.
Soǵys jyldary Qazaqstannyń aýyl eńbekshileri Reseıge 5829 myń tonna nan jetkizgeni belgili. 75 jyl ótken soń, elshilik qyzmetkerleri 872 kúnge sozylǵan Lenıngrad blokadasynyń alyný kúni birlik, molshylyq jáne qurmet nyshany retinde 872 baýyrsaq taratty.
2018 jyly Lenıgrad blokadasynyń alynýy kúnine oraı Sankt-Peterbýrg qalasynda aktsııa ótken bolatyn. Qazaqstandyq dıplomattar peterbýrgtyqtarǵa Almatynyń almasyn taratqan.
«Qazaqstandyq nan blokadalyq Lenıngrad úshin» aktsııasy «Baýyrsaq» qazaqstandyq taýarlar dúkenderi jelisiniń qoldaýymen ótip jatyr.
