«Lenıngradtyq órenim, maqtanyshym - sen ediń!» baletiniń premerasy elimizdiń birqatar qalalarynda ótedi

ALMATY. Aqpannyń 22-si. QazAqparat /Ekaterına Ionova/ - Bolat Aıýhanov basqarǵan QR Memlekettik akademııalyq bı teatrynyń 43-shi maýsymyndaǵy «Lenıngradtyq órenim, maqtanyshym - sen ediń!» baleti qoıylymynyń premerasy respýblıkanyń birneshe qalalarynda ótedi. Dmıtrıı Shostakovıchtiń Lenıngradtyq sımfonııa mýzykasyna jáne Jambyl Jabaevtyń ataqty tolǵaýynyń negizinde qoıylǵan bir kórinisti spektakl Uly Jeńistiń 65 jyldyǵyna arnalyp otyr.

B.Aıýhanovtyń Balet stýdııasy dırektorynyń orynbasary Fatıma Jumaǵulovanyń aıtýynsha, balet premerasy naýryzdyń 2-si, 3-i jáne 4-i kúnderi - Shymkentte, naýryzdyń 5-i jáne 6-sy kúnderi Tarazda qoıylady. «Sáýirdiń aıaǵynda Oralda, mamyrdyń basynda - Qostanaıda, sodan keıin Astanada bolamyz», - dedi ol. Balettiń alǵashqy premerasy 2009 jylǵy jeltoqsannyń 3-i men 7-si aralyǵynda Sankt-Peterbordyń Lensovet atyndaǵy Saraıy sahnasynda, osy jylǵy aqpannyń 16-synda - Almatyda Abaı atyndaǵy memlekettik akademııalyq opera jáne balet teatrynda kórsetildi.

Stsenarııin jazǵan jáne horeografııasyn qoıǵan - QR halyq ártisi, professor Bolat Aıýhanov. Balettegi basty partııalardy Gúlnar Kamalova, Erkin Ótepov, Gúlnáz Orynbaeva, halyqaralyq konkýrstardyń laýreaty Mádı Qasymov, Móldir Zekenova, Álibek Áspetov, Bıbi Baıtileýova jáne basqa da teatr ártisteri oryndady.