Lenıngrad oblysynda qazaqstandyq jaýyngerdiń súıegi qaıta jerlendi

NUR-SULTAN. QazAqparat - Jeńis kúni merekesi qarsańynda, Lenıngrad oblysy, Tosno aýdanynyń Lıýban qalasynda 15 keńes jaýyngeriniń súıekterin qaıta jerleý rásimi ótti.

Olar 2020 jyldyń jeltoqsanynda M-10 «Rossııa» federaldy tas jolyn jóndeý kezinde tabylǵan bolatyn, dep habarlaıdy QazAqparat Qazaqstannyń Reseıdegi elshiliginiń resmı saıtyna silteme jasap.

Sarapshylardyń aıtýynsha, qaldyqtar jeke avtomat batalonynyń jáne 1-jeke atqyshtar brıgadasynyń, 2-shi jeke atqyshtar batalonynyń sarbazdaryna tıesili. Olar 1944 jyldyń qysynda Novgorod-Lýga shabýyl operatsııasy kezinde Lıýbandy azat etý shaıqasynda qaza tapty.

Saqtalǵan soldat medalonynyń arqasynda olardyń bireýiniń kim ekenin anyqtaýǵa múmkindik týdy. Ol 1912 jyly Semeı oblysynda týǵan, 1942 jyly maıdanǵa shaqyrylyp, 1944 jyldan beri habarsyz ketken Aqan Mahataev bolyp shyqty.

Elshiliktiń aqparattyq jáne uıymdastyrýshylyq kómegimen qazaqstandyq sarbazdyń týystary tabylyp, olar Lıýbandaǵy eske alý rásimine qatysty. Onyń uly Abjan Ahanov, nemeresi Serikjan Ábjanov jubaıymen jáne ulymen aza tutý kezinde jaýyngerdiń týǵan jeri Semeıden ákelgen bir ýys topyraqty saldy.

«Bul tarıh. Biz óz otbasymyzdyń tarıhyn bilýimiz kerek. Osy jyldar ishinde biz izdeýdi toqtatpaı, aqyry taptyq», – dedi Serijan Ábjanov.

Jaqyn arada Qyzyl Armııa jaýyngerlerin taýyp, qaıta jerlegen jerge eskertkish belgi ornatý josparlanyp otyr.

Іs-sharaǵa qazaqstandyq dıplomattar, Lenıngrad oblysy Tosnen aýdanyndaǵy Lıýban qalasynyń basshylyǵy, UOS ardagerleri, tyl eńbekkerleri, izdeý bólimsheleriniń sarbazdary jáne qala turǵyndary qatysty.