Lenıngrad qorshaýyn buzýdyń 67 jyldyǵy oqıǵa ornynda atap ótilmek

Lenıngrad oblysynyń Kırov aýdanynda «Máńgilik ómirdiń shebinde» atty aımaqaralyq aktsııa ótedi. Osynaý sharanyń aıasynda soǵys ardagerleriniń qatysýymen Sınıavıno selosynda, Mýrmansk tas jolyndaǵy «Eki maıdannyń kezdesýi» memorıalyna gúl shoqtaryn qoıý rásimi ótedi, dep habarlady QazAqparat tilshisine Lenıngrad oblysy úkimetiniń baspasóz qyzmetinen.

Kırovsk qalasyndaǵy «Lenıngrad qorshaýyn buzý» murajaıynda ótetin resmı is-sharaǵa oblys gýbernatory Valerıı Serdıýkov pen oblystyq úkimettik músheleri de qatysady. Gúl qoıylyp, ardagerler sóz sóılegennen keıin, mýzykalyq ujymdar men oryndaýshylardyń kontserti bolady.

Lenıngrad qorshaýyn buzý - Nevadaǵy batyr qalanyń 900 kúnge sozylǵan blokadalyq tarıhyndaǵy eshten ketpes oqıǵa. Sonaý 1973 jyly qańtardyń 18-inde lenıgradtyq radıo qýanyshty habar jasady: «Ushqyn» operatsııasy barysynda Lenıngrad jáne Volhov maıdandarynyń áskerleri №1 Jumysshylar kentiniń tusynda kezdesti. Lenıngrad oblysynda birinshi azat etilgen qala Shlısselbýrg boldy.

Osy habardan keıin qala turǵyndary túni boıy uıyqtaǵan joq, olar maıdangerlerdi quttyqtady, táýlik boıy jumys isteıtin kásiporyndarda mıtıngter ótti. Al kelesi kúni Ladoga kóliniń ońtústik jaǵalaýynyń boıynda Lenıngradty eldiń basqa óńirlerimen baılanystyratyn temirjoldar men tas joldardy qalpyna keltirý jumystary bastalǵan edi.