Lenın shahtasyndaǵy jarylys: aıyptylarǵa sot úkimi shyqty

ASTANA. KAZINFORM – Shahtınsk qalasynda ornalasqan Lenın atyndaǵy shahtada metan jarylý faktisi boıynsha 4 adamnan ústinen qylmystyq is qozǵalǵan. Bul týraly Shahtınsk qalalyq sotynyń baspasóz qyzmeti habarlady.

Shahtanyń bas ınjeneri taǵy úsh adamǵa Qylmystyq kodekstiń 277-babynyń 3 bóligi boıynsha eki nemese odan da kóp adamnyń ólimine ákep soqtyrǵan taý-ken jumystaryn júrgizý kezinde qaýipsizdik erejelerin buzǵany úshin aıyp taǵylǵan.

Prokýror L.-ǵa -7 jyl, A., B., Z.-ǵa - 6 jyl bas bostandyǵynan aıyrý jazasyn taǵaıyndaýdy surady. Jábirlenýshi tarap zań boıynsha jaza taǵaıyndaýdy surasa, qorǵaýshy tarap sottalýshylardy aqtaýdy suraǵan.

Sottalýshy A.-nyń jas balasy bar, ol Qylmystyq kodekstiń 53-babyna sáıkes jaýaptylyqty jeńildetetin mán-jaı dep tanylǵan, osyǵan oraı A. úshin jaza 4 jyldan bas bostandyǵynan aıyrýdan aspaýy kerek.

Sottalýshylar L, B jáne Z-nyń da buryn sottylyǵy joq, jumys jáne turǵylyqty jeri boıynsha oń eńbek ótili bar, shahter retindegi eńbegi úshin marapattalǵan.

Sot joǵaryda atalǵandardy eskere otyryp, L.-ǵa – 5 jyl, A.-ǵa – 4 jyl, B. men Z.-ǵa – 4 jyl 6 aı bas bostandyǵynan aıyrý jazasyn taǵaıyndady.

Sot úkimi zańdy kúshine engen joq.

Esterińizge sala keteıik, byltyr 3 qarashada túngi saǵat 3.03-te «ArselorMıttal Temirtaý» AQ Kómir departamentiniń Lenın atyndaǵy shahtasynda metan gazy jarylǵan. 

Jarylys saldarynan qaza tapqandardyń sany 5 adamǵa jetti. 

Aıta ketsek, atalǵan fakti boıynsha qylmystyq is qozǵalǵan edi. 

Sondaı-aq, birneshe kenshi zardap shekti.

Keıin Lenın shahtasyndaǵy apattyń sebebi belgili boldy. 

Sol kezdegi Tótenshe jaǵdaılar mınıstri ıÝrıı Ilın Lenın shahtasyndaǵy jaǵdaıǵa 100 paıyz basshylyq kináli ekenin aıtty.